Lub website nuav yog tsim lug ntawm Xauv Kaub Vaaj cov xeebleej xeebntxwv kws nyob rua tebchaws Asmesliskas.   Ib tsoom kwvtij kws yog yawm Xauv Kaub Vaaj tej xeebleej xeebntxwv tau sib koom sab hab lug tsim lub website nuav lug rua ib tsoom kwvtij hab ib tsoom phoojywg suavdlawg tau lub chaw lug sis ntsib hab sis txuas lug, tshwj xeeb yog E-Mail hab Discussion Forum.  Nwg yuav yog ib qhov chaws rua suavdlawg tau lub chaw lug tshaabxu lossis tshaaj tawm txug tej xwmtxheej ceev kuas suavdlawg paub sai.

KeebKwm

Lawv le peb paub, yawm Xauv Kaub Vaaj tej xeeb leej xeeb ntxwv tseem tshuaj coob heev.  Muaj ib co nyob rua tebchasws nplog, muaj ib co nyob Faabkisteb, muaj ib co tuaj moog nyob tebchaws Australia hab feem coob yog peb cov kws taam sim nua tseem nyob rua tebchaws Asmesliskas.

Qhov Mission

Peb qhov mission yog tsim kuas muaj lub chaw sis ntsib ( Website ) nuav lug rua ib tsoom kwvtij tsi has tug nyob lub tebchaws twg los kuas suavdlawg nkaag tau lug sibthaam, hab ua lub chaw rua suavdlawg sis ntsib hab xaa xuv moog lug yoojyim hab sai

Qha kuas ib tsoom kwvtij txawj siv lub website nuav hab sib koomteg lug tso tej dluab, tej kev cojnoj cojua, kevkwv kevtij lossis kev txhimkhu lub neej tshab ntawm cov kwvtij kuas paub rhais kauj ruam moog rua lub neej tshab hab lub neej vaam meej.

Ua lub chaw rua tej tub, tej ntxhais tau lub chaw lug kawm, cim hab ncu txug has tas Xauv Kaub Vaaj cov xeeb ntxwv tseem muaj nyob rua qhov twg hab yog leej twg.  Dlhau le ntawd lawd kuas puab suavdlawg sis paub txug tej tub tej ntxhais kws yog tej tub txawg tub ntse kws kawm ntawv sab saib muaj peb tsawg leej hab puab yog leej twg? Puab txawj yaam twg? Es thaus peb ib leeg tug twg xaav tau kev paab, peb txhaj le paub nrhav puab.

Ua lub chaw rua tej tub, tej kis tau lub chaw lug sis txhawb, sis paab rua saab kev kawmtxuj kawmci hab sib xyum ua lub neej tshab hab sis tw nrug tuabneeg ua neej rua huv lub nplajteb nua.

Qhov tseebceeb dlua tej ntawm yog qha kuas ib tsoom kwvtij txhua leej txhua tug paub txug peb Tug Tswv Yexus. Kuas peb suavdlawg txawj lug nrhav tug Tswv Yexus ua puab tug tswv. Es muaj ib nub peb cov kwvtij ncaim huv lub nplajteb nua los kuas peb sis ntsib ntawm Vaajtswv lub Tebchaws.

Uatsaug.